Тыа хаһаайыстыбатын эйгэтигэр чэпчэтиилээх путевканан туһанар дьон идэтэ эбилиннэ

24.07.2019 
Бэҕэһээ буолан ааспыт бырабыыталыстыба мунньаҕар, уопсайа, 18 боппуруос көрүллүбүтүттэн, биирдэстэрэ Саха Өрөспүүбүлүкэтин агропромышленнай комплексын үлэһиттэрэ эмтэнэллэригэр чэпчэтиилээх санаторнай-курортнай путевка боппуруоһа буолла.

edersaas.ru

Биллэн турар, путевка ылбычча көрүллүбэтэ биллэр. Ол курдук, Саха сиригэр бу күҥҥэ диэри чэпчэтиилээх путевканан эмтэниини туһанарга 16 идэ испииһэккэ киирэ сылдьыбыт эбит буоллаҕына, бэҕэһээ олохтоох тыа хаһаайыстыбатын министиэристибэтин туруорсуутунан, эбии түөрт идэ эбилиннэ – таба биригээдэтин табаһыт-биригэдьиирэ, табаһыт-бостуук, табаһыт-зооисписэлиис, чум үлэһит. Тыа хаһаайыстыбатын миниистирэ Александр Атласов Арассыыйаҕа маннык идэлээх дьон ахсаана аҕыйаҕынан сибээстээн, 2020 сылтан киириэхтээх оробуочай идэ ыстандаартын биир кэлим тарифнай-квалификационнай ыйынньыгын испииһэгэр киирэллэрэ саарбаҕын эттэ.

Бырабыыталыстыба чилиэттэрэ туһааннаах боппуруоска балачча киэҥник тохтоотулар итиэннэ өйөөтүлэр. Онон, мантан инньэ, агропромышленнай комплекс 20 идэҕэ хапсар үлэһиттэрэ чэпчэтиилээх путевканан туһанан эмтэнэр кыахтаннылар. Кырыа кыһыны да, уот куйааһы даҕаны аахсыбакка үлэлиир тыа хаһаайыстыбатын эйгэтин үлэһиттэрэ өрө тутуллаллара сөптөөх.

Людмила ПОПОВА, “Саха сирэ” хаһыат, edersaas.ru

Хаартыска: интэриниэттэн


Компания Инфомастер
Возврат к списку

Корзина 0 позиций
на сумму 0 руб.